मुंबई: सप्टेंबर २०२५ मध्ये राज्यात झालेल्या अतिवृष्टी आणि पूर परिस्थितीमुळे ज्या शेतकऱ्यांची जमीन खरडून गेली, त्यांच्यासाठी महाराष्ट्र शासनाने मोठा आर्थिक दिलासा जाहीर केला आहे. राज्यातील १५ जिल्ह्यांमधील ८८,३४९ बाधित शेतकऱ्यांसाठी तब्बल ₹१२३.४४ कोटी (₹१२३,४४,५७,०००) चा भरघोस निधी नुकताच मंजूर करण्यात आला आहे. यासंदर्भातील शासन निर्णय (GR) १७ ऑक्टोबर २०२५ रोजी जारी करण्यात आला असून, यामुळे लाखो शेतकरी कुटुंबांना मोठा दिलासा मिळणार आहे.
काय आहे मदतीचे स्वरूप?
ativrushti bharpai नैसर्गिक आपत्तीमुळे खरडून गेलेल्या शेतजमिनींच्या नुकसानीसाठी सरकारने प्रति हेक्टर ₹४५,००० (पंचेचाळीस हजार रुपये) च्या दराने मदत वितरित करण्याचा निर्णय घेतला आहे. ही मदत जास्तीत जास्त २ हेक्टर क्षेत्रासाठी मर्यादित असणार आहे. शेतकऱ्यांना आलेले हे नुकसान भरून काढण्यास या मदतीमुळे निश्चितच हातभार लागेल.
कोणत्या जिल्ह्यांना किती मदत? विभागीय आणि जिल्हावार निधी वाटप
राज्य शासनाने मंजूर केलेला हा निधी विविध महसूल विभागांतील जिल्ह्यांमध्ये तातडीने वाटप केला जाणार आहे.
| विभाग | जिल्हा (बाधित शेतकऱ्यांची संख्या) | बाधित क्षेत्र (हेक्टर) | मंजूर निधी |
| छत्रपती संभाजीनगर | धाराशिव, लातूर, नांदेड (एकूण ८१,०४९) | ४,६३२.४३ | ₹१०६.७५ कोटी |
| अमरावती | बुलढाणा, वाशिम, अकोला, यवतमाळ (एकूण ५,०९९) | ८२४.२६ | ₹१२.३५ कोटी |
| नाशिक | जळगाव (१,७१४) | ८०१.३९ | ₹३.०४ कोटी |
| नागपूर | नागपूर, वर्धा, चंद्रपूर, गडचिरोली (एकूण २६३) | ३९५.१७ | ₹९१.७२ लाख |
| पुणे | सातारा, सांगली, पुणे (एकूण २२४) | २४.०६ | ₹२२.९७ लाख |
| एकूण | १५ जिल्हे (८८,३४९ शेतकरी) | – | ₹१२३.४४ कोटी |
सर्वाधिक मदत छत्रपती संभाजीनगर विभागाला: ativrushti bharpai
यामध्ये छत्रपती संभाजीनगर विभागातील धाराशिव (₹४०.४८ कोटी), लातूर (₹४३.६० कोटी) आणि नांदेड (₹२२.६५ कोटी) या तीन जिल्ह्यांना सर्वाधिक ₹१०६.७५ कोटी निधी मंजूर झाला आहे. या विभागातील ८१,०४९ शेतकऱ्यांची जमीन मोठ्या प्रमाणावर खरडून गेली आहे.
अमरावती विभागाला दिलासा:
अमरावती विभागातील बुलढाणा (₹९.९९ कोटी) आणि यवतमाळ (₹१.९५ कोटी) या जिल्ह्यांसह एकूण ५,०९९ शेतकऱ्यांसाठी ₹१२.३५ कोटी निधी वितरित केला जाईल.
तातडीने वाटपाचे निर्देश
शासनाने स्पष्ट निर्देश दिले आहेत की, मंजूर झालेला हा निधी विलंब न लावता तातडीने बाधित शेतकऱ्यांच्या बँक खात्यांमध्ये जमा करण्यात यावा.
पुढील टप्पा लवकरच
राज्यातील अहमदनगर (अहिल्यानगर), सोलापूर आणि नाशिक (जिल्ह्यातील उर्वरित भाग) यांसारख्या काही जिल्ह्यांमध्येही खरडून गेलेल्या जमिनींच्या नुकसानीचे प्रस्ताव आणि पंचनामे पूर्ण होणे अद्याप बाकी आहे. शासनाने आश्वासन दिले आहे की, या प्रलंबित नुकसानीसाठी मदतीचा पुढील टप्पा लवकरच जाहीर केला जाईल.