महाराष्ट्र शासनाच्या कृषी विभागाने राज्यातील शेतकऱ्यांसाठी अत्यंत महत्त्वाचा आणि दिलासा देणारा निर्णय घेतला आहे. कृषी विभागामार्फत राबवल्या जाणाऱ्या ‘राज्य पुरस्कृत कृषी यांत्रिकीकरण योजने’ (Mahadbt Farmer Scheme) मध्ये करण्यात आलेल्या या महत्त्वपूर्ण बदलामुळे लाखो शेतकऱ्यांची मोठी गैरसोय दूर होणार असून त्यांना शेतीच्या कामांसाठी आधुनिक अवजारे खरेदी करणे अधिक सुलभ होणार आहे.
पूर्वीची अट काय होती?
mahadbt farmer scheme या योजनेत ट्रॅक्टर वगळता इतर कृषी अवजारांसाठी अनुदान घेताना एक अट लागू होती. या अटीनुसार, लाभार्थ्याला एका वर्षात केवळ किमान तीन अवजारे किंवा जास्तीत जास्त रुपये एक लाख या मर्यादेतच अनुदान दिले जात होते. या मर्यादेमुळे अनेक गरजू शेतकरी पात्र असूनही, जर एखाद्या अवजारासाठी अनुदानाची रक्कम एक लाखापेक्षा जास्त असेल, तर त्यांना त्याच वर्षी आवश्यक असलेल्या इतर अवजारांसाठी अनुदान मिळत नव्हते. उदाहरणार्थ, महागड्या पेरणी यंत्रासाठी (Seeding Machine) अनुदान मिळाल्यास, त्या वर्षी मळणी यंत्रासारख्या (Thresher) इतर मोठ्या अवजारांसाठी अर्ज करूनही लाभ घेता येत नव्हता. यामुळे अनेक शेतकऱ्यांची अडचण होत होती.
आता १ लाख अनुदानाची मर्यादा पूर्णपणे रद्द!
mahadbt farmer scheme शेतकऱ्यांकडून सातत्याने होत असलेल्या मागणीचा विचार करून, कृषी विभागाने ७ ऑक्टोबर २०२५ रोजी एक महत्त्वपूर्ण शासन निर्णय (GR) घेऊन ही जुनी अट रद्द केली आहे. या नवीन निर्णयानुसार, ट्रॅक्टर वगळता इतर अवजारांसाठी असलेली एक लाख रुपये अनुदानाची मर्यादा आता पूर्णपणे काढून टाकण्यात आली आहे.
शेतकऱ्यांना होणारा मोठा फायदा:
हा बदल शेतकऱ्यांसाठी वरदान ठरला आहे. या निर्णयामुळे, आता एका वर्षात लाभार्थ्याची ज्या ज्या घटकांसाठी निवड झाली आहे, त्या सर्व घटकांसाठी त्याला अनुदान मिळू शकणार आहे. म्हणजेच:
- शेतकऱ्याला आता हवे असलेले मोठे किंवा लहान कोणतेही कृषी अवजार घेता येणार आहे.
- त्यासाठी अनुदानाची रक्कम कोणतीही मर्यादा ठरणार नाही.
- जर शेतकऱ्याला एकाच वर्षी पेरणी यंत्र (ज्याची किंमत एक लाखापेक्षा जास्त असेल), मळणी यंत्र, नांगर किंवा इतर कोणतीही अवजारे खरेदी करायची असल्यास, पात्रतेनुसार त्याला त्या सर्व अवजारांसाठी एकाच वर्षात अनुदान मिळू शकेल.
महत्त्वाची नोंद (एकदाच लाभ):
या बदलाचा फायदा घेताना शेतकऱ्यांनी एक गोष्ट लक्षात ठेवणे आवश्यक आहे: एकाच घटकासाठी अनुदानाचा लाभ पुन्हा मिळणार नाही. म्हणजेच, जर एखाद्या विशिष्ट कृषी अवजारासाठी एकदा अनुदान मिळाले असेल, तर त्याच अवजारासाठी कुटुंबातील कोणत्याही सदस्याला पुन्हा अनुदान घेता येणार नाही. लाभ एकाच योजनेचा, एकदाच मिळेल.
